樂樂韓式豬手

Open Now

Now Closed

西九龍中心8樓嘅food court 開咗好多唔同嘅小店，真係想食乜都有，今次就同朋友揀咗一間專賣韓式豬手嘅小店試下！蒜蓉豬手 呢份豬手不得了，上面堆滿蒜蓉，食落十分惹味，豬手肉質軟腍，豬皮爽彈，叫半份兩個人食，份量啱啱好，另外會跟埋一碗醃椰菜，味道酸酸地，開胃又解膩。卡邦尼炒年糕年糕口感軟糯，醬汁質地濃稠，每一條年糕都沾滿醬汁，仲有煙肉同埋洋蔥，味道鹹鹹香香，食到停唔到口。樂樂豬韓式芝士牛肉飯卷 飯卷紮實不易鬆散，配料有牛肉、芝士蟹柳、青瓜、醃蘿蔔、紅蘿蔔絲等，材料真豐富，每次食韓國菜都必點！