Pizza Maru (荃新天地)

Open Now

Now Closed

前排係荃灣行街，見到呢間餐廳人山人海，原來呢間餐廳係食韓國嘢,有炸雞，pizza 等等！今日約左朋友去食，好彩我哋一早攞定票，7點可以入去食到，整個餐廳都係好多人，睇完餐牌，決定叫一個pizza,一份炸雞，加一個小食兩杯飲品。～Pizza 有厚同薄，9吋同12吋選擇、我哋叫左薄同9吋《群蟹派對 》食落去好大陣木魚花味，食到蟹肉、個醬甜甜酸酸，好開胃，～蜂蜜牛油配製炸雞都有6件/12件 我哋叫左6件一口落去好香牛油，陣陣蜂蜜味，個雞外脆內軟～脆炸章魚仔 炸章魚仔出面好少地方有，我同朋友想試一試，好好食，外脆內軟點埋沙律醬，酸酸地好夾。～Strawberry makgeolli 飲落酒味唔算好重，飲落去有士多啤梨味出啲。～Peach lime iced tea 飲落去唔會太甜，茶味好濃！～整體來講呢間餐廳食物同飲品不錯，其實仲有好多野食想食，但係因為份量大份，我哋只好下次再約去食😄。