再來一煲 (好發大廈)

Open Now

Now Closed

呢日約咗龍舟fd食飯，揀咗佢屋企樓下嘅雞煲店，之前已經聽中同介紹過話好食😍一場嚟到緊係要試招牌魔鬼雞煲，點咗小辣，真係好正！雞煲入面嘅雞肉鮮嫩，辣🔥嘅程度啱啱好，夠味之餘又唔會太咸，超級開胃。我地仲叫咗鵝腸落去炒，鵝腸脆口，索晒味，仲愈炒愈香，同雞煲簡直係絕配，呢個推薦要試！食完雞煲，就加湯打邊爐，叫咗一個大既牛魔王拼盤，份量真係好多，有牛小排、封門柳、手切本地牛，好似有成6、7款。牛肉質感真係唔錯，唔同部位唔同口感，最好食😋係手切本地牛，肉味濃郁，食咗咁多肉好開心🤣叫多咗份爆汁牛筋丸，口感彈牙，真係一咬爆汁，要小心彈到件衫😆仲有即叫即炸嘅脆響鈴，又係打邊爐必叫！除咗打邊爐，我哋仲叫咗兩款小食，👉🏼蜜椒薯仔牛柳粒同👉🏼百花炸蝦滑。蜜椒薯仔牛柳粒甜中帶咸，薯仔炸過好脆口，牛柳粒又香又嫩，估唔到邊爐店既小炒都咁出色百花炸蝦滑就外脆內彈牙，蝦味十足，香口炸野，送酒一流整體而言，呢間雞煲店食材新鮮，味道👅出色，唔單止係火鍋，連小食都好有水準。下次一定會再嚟，仲想試下其他菜式！