雞翼山 (裕民坊YM²)

Open Now

Now Closed

平時成日行開觀塘，都只係路過裕民坊呢個商場，估唔到入面開咗間雞翼山。其實想食雞翼山好耐，回想一二年前同事返工買咗1️⃣0️⃣0️⃣隻雞翼返黎請人食🤣不過到我嗰陣已經冇食淨了🤣但我一直念念不忘。今次行經就憑着呢個回憶想幫襯下。室內只有一張枱仔俾人立食，加上我趕住返屋企，就買咗外賣返屋企加餸，今次揀咗1️⃣2️⃣隻雞翼加1️⃣杯飲品。原來係即叫即整㗎。選擇左文青風玫瑰雞翼，港式避風塘蒜香雞翼同埋黃金鹹蛋黃焗雞翼各4件。避風塘蒜香雞翼就有更加多嘅脆脆喺上面，非常之香口，充滿港式風味，如果唔太鍾意太多立雜嘢嘅人就可以試吓呢個脆香雞翼，外脆內軟入面嘅肉汁非常之多，而且都好大隻💕玫瑰雞翼都係貪新鮮試吓嘅，平時都冇諗過呢個配搭，食落都幾新奇，玫瑰同蜜糖味好出。黃金鹹蛋黃焗雞翼就好難整得難食嘅，食落流晒沙咁樣，口感好香濃👍飲品我就揀咗有氣桃橙茶，都幾好飲。