Mee...lemongrass (Closed)

呢日嚟到東港城，行到咁上下，喺時候揾D嘢醫吓肚，見到Mee…lemongrass都幾多客幫襯，心想應該有番咁上下，所以決定入食個lunch。主打東南亞菜式，佈置當然有D當地風情，别饒特色，坐得幾舒適。睇吓餐牌，lunch set選擇頗多，而且又包埋小食、甜品同飲料，都算抵食。天口咁熱，先叫過無骨酸辣鳳爪沙律($62)醒醒胃先。水準之作，個汁調得酸酸辣辣，不俗。主餐我揀咗秘製特製特色牛骨湯河($62)，menu 話個湯有熬成10個鐘，所以唔使講咁多，一上枱，就要呷一口湯試試，果然鮮美，而且碗粉份量十足，配料有牛肉、牛丸、牛腩、牛柏葉，好味又抵食，真係冇揀錯。個Friend揀咗個緬甸咖喱牛腩飯($72)，賣相吸引，咖喱甜中帶辣，牛腩炆得軟熟入味，真係好好送飯。我哋仲加咗個馬拉盞炒秋葵($62)，惹味之餘，口感又夠特別，當真值得一試。歎埋個一口甜品，再加杯餐飲，呢個Lunch都算相當豐富。