添好運點心專門店 (Closed)

間唔中會去添好運食吓點心，因為就近。但各方面嘅質素都愈來愈差，差到一個點，我唔會再去。糯米雞D糯米好爛，又一D都唔香，裡面D肉有唔新鮮嘅味，又好多glue 狀的汁，內𥚃仲有沙石，好似叫我食垃圾咁！叉燒包太甜，鳳爪唔入味，什麼豬肚燒買又硬又冇味，桂花糕其實似橙味啫哩，但絕對係難食過任何啫哩。D杯有油，連俾你沖洗食具個大碗本身都好油，唔知想點！待應態度差，我問佢個位太大風可否把冷氣調一下，個待應含含糊糊話唔可以，我問點解，可以調下出風口位呱，佢支唔以對走咗去冇再返嚟！以前我覺得如要求不是太高，這裡算抵食，但我覺得現在各方面都唔得。