甘味讚岐手打烏冬 (Closed)

兔小妹同男友係下白泥睇完個靚靚鹹蛋黃🌞🌞，等車餵蚊成粒鐘之後，千辛萬苦終於番到黎元朗市中心。😧餵飽蚊，係時候要餵飽自己。九點幾，好多收10點既餐廳都cut左單，以為冇野食，要餓住番屋企🙈🙈。咁啱行過甘味讚岐手打烏冬，見仲有得落order，就諗都冇諗咁入左去。兔小妹試過沙田分店，印象中食物款式唔多。諗住是但叫個湯烏冬就算，點知餐牌多到睇唔晒。望下望下，俾兔小妹見到 “筍” 野~ 有個壽司拼盤拼讚岐手打烏冬餐，都只係68大元~! 淨係8件壽司都收六十幾啦，依家仲要加多碗清湯烏冬喎~兔小妹當然要點黎試下，睇下係咪真係咁 “堅”~ 而男友呢，就叫左個雜錦海鮮刺身冷稻庭烏冬，同樣係68大元，試下邊個好味抵食D~ 兔小妹既壽司烏冬餐先送到。8件壽司，冇花冇假。唔好以為全部都係D平價貨，一碟有2件加州卷同6件唔同既刺身壽司，合共7款口味，當中仲有帶子壽司呢👍~ 先試刺身壽司。刺身雖然薄左D，但勝在食落都幾新鮮，三文魚同吞拿魚肉質嫩，幾鮮味; 帶子肥美，夠爽口😋; 蟹柳同魷魚就不過不失; 唯獨隻蝦，口感淋左D。跟餐既清湯烏冬，個湯底雖然夠濃，但鹹左D。反而烏冬口感唔錯，夠滑又夠爽口。至於男友點既海鮮刺