和宴

Open Now

Now Closed

今日老師提早放學，就打算同朋友去尖沙咀行街，順便去搵午餐。行下行下發現咗呢間有日式燒肉、日本菜同海鮮嘅，感覺佢哋嘅午餐套餐唔錯，就決定去試下。入到去就卑呢副畫吸引，好好睇！我哋兩個人點咗唔同嘅套餐，兩種唔同味道嘅套餐都好啱我哋！和牛溫泉蛋丼套餐：呢碗飯睇落好有食慾，擺盤精緻，肥美嘅牛肉覆蓋喺飯上面，配埋我最鍾意嘅溫泉蛋，再用筷子戳破蛋黃，配埋牛肉片一齊食，牛肉更加香滑，真係太正啦！而且呢度嘅牛肉非常鮮嫩，每一口都可以品嚐到濃郁嘅牛肉香氣，真係太幸福啦！和牛鐵板燒套餐：好大一碟啊！滿滿嘅和牛，肉質滑嫩，仲非常新鮮，配埋洋蔥一齊食，非常香甜，仲帶有濃郁嘅牛肉味，非常下飯！而且牛肉嘅脂肪分布均勻，食起嚟更加甜美！我同朋友都非常鍾意呢度嘅套餐，下次仲可以再嚟發掘更多美食！