海灣茶居

Open Now

Now Closed

星期日想一盅兩件飲茶，去開呢頭整車，randomly見到呢間有點心，竟然搵到驚喜。餐廳裝修好新，服務有善，餐牌種類都好多。叫咗4個點心：1. 黑松露燒賣：我鍾意呢度嘅燒賣數量可以揀要兩粒或者四粒，非常體貼客人，因好似我咁乜都想食，但又得兩個人唔想食一籠4粒，呢個真係非常好嘅餐牌設定；2. 煎蘿蔔糕：啱晒我呢啲鍾意鹹香口味，白蘿蔔，配上足料臘肉、臘腸及蝦米等，比例恰到好處，煎香後香脆可口；3. 牛肉球：爽滑彈牙又鮮味達點，又好有牛味，大大粒；4. 义燒包：叉燒包，我始終最鍾意傳統嘅包，正常蒸嘅製法，呢個無令人失望，外皮厚薄適中兼鬆軟，而蠔汁和叉燒嘅比例好好，好味。另外，屋企人因為太肚餓，要有飯落肚，所以叫咗個腩义飯，無諗過個义燒好有驚喜。上枱時維持恰到熱度，叉燒厚切，肥瘦均勻，帶點燶邊，濃香惹味之餘，肉汁水份保留下來，唔會被燒乾，令叉燒鬆化可口，好味，推介。食咁多嘢都二百有找，抵食～