金玡居 (山頂廣場)

Open Now

Now Closed

10月5日我俾自己放左個假，適逢老公又話要放， 佢就話帶我去山頂行山 ,嗰日朝頭早瞓醒嘅時候先知道，原來七點幾八點的時候香港係紅雨啊 ,仲諗住冇得行啦，但又冇繼續落，就直接去左山頂。 講真喺search openrice見到呢間餐廳唔係特別想試，因為食物相唔太靚，而且我覺得啲菜式冇咩特別。 坐落之後覺得室內嘅環境又幾好喎，我地叫咗佢哋最出名嘅豉油雞，要咗一個千層豆腐，一個麻辣相牛， 黃金涼瓜條，同埋一碗麵。個豉油雞好滑好入味， 麻辣雙牛係牛筋再加牛肚好食落去嗰啲麻香味超好食，啲牛筋又淋， 反而佢個麵就冇乜特別我就叫咗佢最新款嗰隻冬陰功湯麵不過啲冬陰功湯超辣。整體係意料之外嘅好食!