8090 好時光 (Closed)

天水圍既美食非常少，平時都好少去天水圍食野，今次有朋友介紹屋企樓下既頌富商場翻新，轉左名做T mall, 更多左好多新餐廳，重點係平！ 所以就揾左晚去試試！ 我極度偏好台灣食物，每年都要去一去台灣止下渴，今次係t mall揀黎揀去，都係揀左呢間台式餐廳，門口棵大樹已經好有台式cafe feel! 今次點左個牛肉鍋食，上到台先點火滾熱，牛肉等湯滾左先落落去，麵就另外一碗既， 麵既湯底同鍋既湯底唔同，鍋既湯底香好多，甜d, 好多蘿蔔味，幾特別！加配左半熟蛋，呢款賣相就比較失色，但味道ok另外仲叫左最鍾意既炸雞翼！ 雞翼好驚喜，皮既粉唔厚，內好juicy, 好想enocre!野飲方面叫左水果茶，超大杯，賣相都好岩我呢d港女影相呃like, 飲落甜甜地，好正！ 但太大杯，建議2個人share!甜品方面叫左佢招牌既即撞豆腐花，黎到會有個漏斗，漏哂就撞完，開得即食，超有趣！ 味道方面都夠滑，自己落黃糖調教甜度，極度推薦！ 成親飯都好抵，cp值好高，大家可以去試下！