碗碗香 (Closed)

已經差不多一年無寫過食評，但尼間小店絕對值得我重新開始！本身同老公諗住食另一間餐廳，但由於個間無位，所以我哋唯有另找去處。經過尼間店，見到店名係“碗碗香”，以為應該係飯為主，但原來尼度主要賣貴陽菜（之前好似無食過🤔），除咗飯仲有粉麵同小火鍋（好似都幾得意）。而我哋就分別叫咗回鍋肉飯，全蛋涼拌麵同鹵水拼盤。全部都可以揀辣度，由BB辣去到大辣，而我哋就所有餸都揀咗小辣。首先講下全蛋涼拌麵，完全無諗過味道會係酸辣，但係又好好味，唔似平時係其他米線店食到嘅酸辣味。麵條細幼，易入口，亦都時易入味。當中又有泡菜（椰菜）同酸豆角，大概係其中的酸味來源。本人對酸豆角都特別偏愛，又好少係香港食到好味嘅酸豆角，尼間算係非常不錯。另外老公叫嘅回鍋肉飯，啲回鍋肉好厚唔似有啲川菜館個啲切到勁薄，成盤餸係菜多過肉。尼個份量$76唔算貴，另附飯同苗鄉苦丁茶（解辣）。而小辣嘅程度唔算辣，鐘意食辣嘅朋友可以考慮中辣或大辣。而味道都非常唔錯，可以同我係四川食個啲有得比，但又有啲唔同。但絕對好過好多係其他餐廳食嘅所謂“回鍋肉”。最後係尼個鹵水拼盤，可以揀辣或唔辣。個人覺得揀咗辣之後，又唔太似食緊鹵水，不過味道幾特別，有點似