Video
Read full review
2022-11-24
120 views
😁 小編依晚約咗個一年幾冇見嘅朋友，見佢返工都好攰下，難得夾到時間，於是揀咗間荃灣區嘅意大利餐廳——Deer Kitchen，方便食完晚飯之後行返屋企！🚶🏻♀️ 🦪 晚市優惠$10生蠔 😋😋😋😋疫症之後，小編真係好耐都冇食過生蠔，又唔多敢去食自助餐…… 🤤 今次真係有口福！餐廳晚市做緊$10一隻生蠔嘅優惠，叫半打可以同朋友一人食三隻過下口癮！每隻生蠔約有半隻手掌大，好鮮味！可以唧🍋檸檬汁或點佢哋嘅生蠔醬汁嚟食！🍕 和風鰻魚牛油果薄餅 😋😋😋😋😋小編同朋友一致認為好好食同有驚喜！Pizza係薄身餅底，烘得底部好乾脆，而又有少少煙韌口感，鰻魚肉、🥑牛油果粒、🥒青瓜、木魚碎同紫菜絲遍佈薄餅，加上有日式照燒風味嘅醬料同沙律醬，整體好夾！長方薄餅目測約8-10吋，兩個人食足夠有餘！😎🍝 意式西班牙腸雞肉扁意粉 😋😋😋😋🍅蕃茄醬汁好濃厚，有明顯嘅甜酸味，撈扁意粉絕對唔會錯！😚西班牙腸切成薄片，鹹香得嚟又有咬口！仲有雞肉粒喺當中，多另一種口感！🍹 藍色美人魚 😋😋😋😋依杯mocktail有Curacao(庫拉索)🏝海洋嘅藍色，好夢幻！好吸引眼球！唔好以為味道會好古怪，飲起上嚟似波子汽水，仲帶有🍍波蘿
🦪 晚市優惠$10生蠔 😋😋😋😋
疫症之後，小編真係好耐都冇食過生蠔，又唔多敢去食自助餐…… 🤤 今次真係有口福！餐廳晚市做緊$10一隻生蠔嘅優惠，叫半打可以同朋友一人食三隻過下口癮！每隻生蠔約有半隻手掌大，好鮮味！可以唧🍋檸檬汁或點佢哋嘅生蠔醬汁嚟食！
🍕 和風鰻魚牛油果薄餅 😋😋😋😋😋
小編同朋友一致認為好好食同有驚喜！Pizza係薄身餅底，烘得底部好乾脆，而又有少少煙韌口感，鰻魚肉、🥑牛油果粒、🥒青瓜、木魚碎同紫菜絲遍佈薄餅，加上有日式照燒風味嘅醬料同沙律醬，整體好夾！長方薄餅目測約8-10吋，兩個人食足夠有餘！😎
🍝 意式西班牙腸雞肉扁意粉 😋😋😋😋
🍅蕃茄醬汁好濃厚，有明顯嘅甜酸味，撈扁意粉絕對唔會錯！😚西班牙腸切成薄片，鹹香得嚟又有咬口！仲有雞肉粒喺當中，多另一種口感！
🍹 藍色美人魚 😋😋😋😋
依杯mocktail有Curacao(庫拉索)🏝海洋嘅藍色，好夢幻！好吸引眼球！唔好以為味道會好古怪，飲起上嚟似波子汽水，仲帶有🍍波蘿嘅甜同檸檬嘅微酸！
🍹 酸莓樂園 😋😋😋😋
依杯mocktail紅色嘅漸層嚟自🍓士多啤梨，帶有檸檬同青檸味道，飲品上仲附有一小串三粒藍莓🫐，清爽！
晚餐 💵💵💵💵💵 約港幣$250/人
💁🏻♀️ 餐廳係商場地舖，店內環境都好舒適。近門口有兩個半鳥籠座位，想去食飯兼打靚卡嘅，建議打電話訂位時問問職員幫忙安排！📞
🤗 每個月的星期一至四會提供特別優惠，仲有Dinner Set畀大家選擇！
其他招牌推介 🎉
【Appetizers】啤酒漿炸鱈魚薯條配他他醬、蒜片辣椒蝦
【Pasta & Risotto】香濃芝士煙肉煙斗粉、秘制虎蝦天使麵
【Main Course】火焰西班牙黑毛豬肋骨
【Dessert】焦糖燉蛋、即焗朱古力心太軟配雪糕
🙆🏻♀️ 最後，喜歡嘅話，歡迎follow @foodirectory.hk！
生蠔
$60
22 views
0 likes
0 comments
和風鰻魚牛油果薄餅
10 views
0 likes
0 comments
意式西班牙腸雞肉扁意粉
13 views
0 likes
0 comments
藍色美人魚
20 views
0 likes
0 comments
酸莓樂園
19 views
0 likes
0 comments
Post
