雲壽司 (Closed)

位於太子嘅雲壽司，呢日係食late lunch，午餐選擇好多，平貴嘅餐都有得揀，豐儉由人，揀咗中間價位嘅omakase set <雲>，$480 一位，刺身同壽司嘅質素都比想像中更加好，星期一至五下午茶時段仲有八折，抵食~🔘刺身4點每款刺身各有兩片，全部都好新鮮厚切~黑鯥炙燒過魚油出晒嚟深海池魚望落有光澤，魚身透明，口感柔軟吞拿魚腩入口即溶，非常肥美，完全冇筋好好食!!赤貝比平時食到嘅更加鮮甜🔘壽司7件由師傅即場手握，然後逐件上，最有印象當然係北海道海膽，非常鮮甜美味，冇苦味，口感好creamy，另外牡丹蝦同白蝦都好好食，少少張口，油甘魚同其他魚類壽司都一樣高質，肉質結實，而且有魚油香~🔘手卷&麵豉湯 最後食埋吞拿魚蓉手卷同麵豉湯，都好夠飽，呢餐係意想不到地高質，由頭食到尾都好滿意同享受，去開太子必定會回訪～