Attic Handmade Pasta (Closed)

有一次好友生日， 好友R就提意到尖沙咀金馬倫道嘅呢一間意大利餐廳《Attic Handmade Pasta 》。呢一間餐廳主打手工意粉， 自家製手工意大利麵和現成的乾意大利麵差別很大。手工意粉蛋味更香濃， 而且口感更為煙韌。餐廳裝修簡單而華麗，樓底高，感覺寬敞唔焗促，而且仲可以望到尖沙咀鬧市景緻，同密友喺呢度食飯聚會， 感覺相當好。一坐低就會送上餐包，《合桃提子包》和《橄欖番茄乾香草包》， 兩者都熱辣辣。 合桃提子包香甜鬆軟， 橄欖番茄胞滲出陣陣香草氣息， 一鹹一甜， 配合埋 黑松露Salted butter， 一開始就令人有驚喜，期待。《忌廉蕃茄濃湯》，用新鮮嘅蕃茄烹煮， 每一啖都是蕃茄精華， 帶點番茄嘅酸， 亦帶有蔬果嘅甜，熱辣辣，非常暖心。《安格斯側腹膜橫肌薄片配阿根廷青醬》， 美國嘅Prime出名牛味濃郁， medium嘅烹調， 保留咗牛肉嘅嫩和juicy， 點埋由各款香草和蒜蓉特製而成嘅青醬，鮮味一流。《金蠔意大利飯》 絕對係一個出色嘅fusion菜， 流浮山嘅金蠔飽滿厚肉， 用咗蜜餞嘅方式令到外脆內嫩，蠔味十足， ristretto入面加入咗陳皮來調味，既食到意式嘅感覺，