DW Lounge (Closed)

今晚約左無耐無見嘅朋友仔出黎吹吹水，坐巴士經過見到呢間DW Lounge雖然係酒吧，不過見佢有晚餐食，6點幾7點靜靜地，走入去見識下先野食都算多款揀，小妹揀左自己都好難煮嘅墨魚汁蟹肉意粉，呢個意粉誠意可加，意粉唔會好單調，調味方面做得幾好，但略為唔夠蟹肉，因為食左一陣都唔係好覺，可能比墨汁cover咗，睇佢唔到~但都可以接受唔想食咁多粉，漢堡都係一個好選擇，叫左個車打芝士漢堡加薯條，其實想加大啡菇嫁，但係比另一個小食吸引咗，所以無加，淨係加薯條，呢個漢堡份量都唔小，牛肉即叫即煎，咁就無分幾成熟，始終呢度係酒吧，牛肉入味啖啖肉，都會有啲肉汁，加上有茄汁芝士蕃茄，食落層次唔錯，而粗薯條就有調味粉點綴，唔會好普通係幼薯條加鹽不得不提呢個小食蒜蓉芝士大啡菇，厚肉嘅啡菇配合香濃蒜蓉芝士同火腿，切開啡菇水份充足夠晒juice,仲有個清新小沙律，岩晒一邊飲酒一邊吹住水黎食呢個時間係happy hour關係，酒精飲品好抵飲，意粉加$12蚊可以食埋是日精選甜品今日係柯華田咖啡芝士蛋糕，小小一件完全令個晚餐好完滿，加上有音樂配襯，的確係談天好地方，下次光顧應該係酒鬼時段啦～