小豬豬麵包店 (Closed)

住筲箕灣，但平時甚少行東大街，今日無意中行咗去東大街，發現有間小小的麵包店，岀於好奇入去望望。一入到去，店員就好熱情咁請我食芒果流心包，好食。店主又剛弄好中大檸檬撻，當然試埋，冰冰的還不錯。望下望下，俾佢個榴槤流心包吸引咗。老闆話可以即整多榴槤的，咁吸引，即試。店家優惠買3送1,但由於天色已晚，都係買一個試下先。返到屋企即試，好好味，十分香的榴槤味。榴槤制品我食過好多，咁足料嘅都係第一次食到，包的表面有厚厚的一層榴槤醬，包的中間還有榴槤忌廉，味道十分濃郁。食著食著先諗起，唔記得影相，因為真係太好食啦。但一次過食晒一個真的有點飽，下次可以揾個朋友share 。