彩雲軒 (Closed)

女朋友既爹地媽咪落親黎香港, 最愛就係行TST.名店嘛, 女人嘛.行到累, 就搵左附近既彩雲軒食餐飯.初入去真係無什麼特別期望, 純粹貪佢夠近.隨便叫左幾個菜, 出乎意料的好味.先係前菜既皮蛋酸薑. 未來外母話天口熱, 行街行都無乜胃口, 叫個白粥, 仲要食子薑開下胃.我唔食薑, 唔知好唔好味, 但就好欣賞個皮蛋, 是溏心的, 而且沒有「確喉」. 白粥望落都夠綿, 而且唔似粥底.之後要讚的係芥末蝦球. 因為蝦球很新鮮彈牙, 我同女朋友都非常喜歡個醬汁, 微微的酸酸甜甜, 帶有日本WASABI的味道. 有少許上腦, 又不至於辣到入唔到口. 呢種口感十分特別. 雖然要$120一碟, 但我覺得絕對值得一試.另外要讚的是燒乳鴿, 燒的香口, 不會太燶, 鴿的SIZE剛好, 不會太老, 又不會太細隻. 最怕有的酒樓做的燒乳鴿又黑又瘦. 暫時我食過覺得最好食的燒乳鴿是沙田德記, 彩雲軒這個都很好.其餘的小菜都不過不失. 上黎睇睇其他食評, 先知道原來燉椰皇好出名. 後悔沒有一試. 要一提的是當晚的侍應生服務很好, 加水同換碟都跟得好足, 見未來外母話冷氣大, 仲主動問我地要唔要換張檯, 其他食家提