Video
Read full review
2019-07-01
183 views
係尖沙咀睇完電影🎬《阿拉丁》，好想去食印度菜，於是上網搜尋一下，發現呢間餐廳都幾受歡迎，於是嚟到試下。翻看餐牌介紹，原來餐廳係南印度、北印度及其他國家都有分店，而餐牌內嘅食物選擇亦極多，有分南印度及北印度特色，有Biryani (印度香飯)、Pulao (手抓飯)、Dosa (印度薄餅)、Uthappams (印度班戟)、Naan (印度烤餅)等等，包羅萬有。由於太多選擇，不經不覺，用左差不多跳一隻Bollywood舞💃🏼🕺🏻嘅時間，決定點以下食物。咖喱雜菜 (Vegetable Curry)雜菜主要有綠豆、青椒及甘筍🥕，加埋腰果蓉及洋蔥蓉，香料味清香，感覺健康。蔬菜班戟 (Vegetable Uthappams)班戟嘅口感跟平日食嘅中式薄撐有點相似，但內裏嘅配料更加豐富，有青豆、洋蔥、紅椒等，煎得很香脆，三款酸辣醬料各有特色，上面黃色醬最特別，含有清新嘅薄荷味，最好味是橙啡色那款，酸酸地辣辣地，幾惹味！材料非常豐富開頭無為意薄餅左上角的是一碗湯，後來有一位貌似「阿拉丁」嘅年輕服務員，突然放多一碗熱湯係我面前，原來他見我碗湯已經放涼了，而仲有食物未嚟，於是幫我換，非常細心。後尾睇返，原
翻看餐牌介紹，原來餐廳係南印度、北印度及其他國家都有分店，而餐牌內嘅食物選擇亦極多，有分南印度及北印度特色，有Biryani (印度香飯)、Pulao (手抓飯)、Dosa (印度薄餅)、Uthappams (印度班戟)、Naan (印度烤餅)等等，包羅萬有。
由於太多選擇，不經不覺，用左差不多跳一隻Bollywood舞💃🏼🕺🏻嘅時間，決定點以下食物。
咖喱雜菜 (Vegetable Curry)
雜菜主要有綠豆、青椒及甘筍🥕，加埋腰果蓉及洋蔥蓉，香料味清香，感覺健康。
蔬菜班戟 (Vegetable Uthappams)
班戟嘅口感跟平日食嘅中式薄撐有點相似，但內裏嘅配料更加豐富，有青豆、洋蔥、紅椒等，煎得很香脆，三款酸辣醬料各有特色，上面黃色醬最特別，含有清新嘅薄荷味，最好味是橙啡色那款，酸酸地辣辣地，幾惹味！
材料非常豐富
開頭無為意薄餅左上角的是一碗湯，後來有一位貌似「阿拉丁」嘅年輕服務員，突然放多一碗熱湯係我面前，原來他見我碗湯已經放涼了，而仲有食物未嚟，於是幫我換，非常細心。後尾睇返，原來呢碗叫Samber (辣豆湯)，裏面有洋䓤、甘筍、辣豆、胡椒等，質感濃濃的。
Naan (印度烤餅)
烤餅上枱時，仲熱辣辣，感覺到泥爐炭烤嘅風味，食落面香脆、內軟糯，配埋咖哩雜菜，好味道！
Mango lassi (芒果拉昔)
拉昔味道酸甜冰涼，令人在酷暑中尋得一絲涼意。
前枱放着的一些香料，見有一些外國人就咁用匙羹拿少少放落手，然後直接放落口食。
平日較少機會食印度菜，很開心度過了一夜充滿印度風情的晚上🌃。
Post
