Video
Read full review
2022-04-13
1137 views
見到好多對農場餐廳偏激的言論，老公決定帶我親身試一試我就本住去食個西餐嘅心態去，反而幾驚喜😊我地大概12:45左右到嘅，一坐底老闆已經過嚟打個招呼，同場有另一個客人早過我地等緊堂食，我因為想2:00前離開，所以都好快落左單。老闆有溫提，可能要等耐少少喎其實等左大概15分鐘就已經有野食，賣相一啲都唔差！呢份雞扒係老公嘅，個sauce係好味個種濃，蕃茄嘅酸酸地配小小辣，雞肉唔鞋，係煎香咗有少少脆邊…食到一半老公發現sauce裏面仲有半隻大啡菇！咁嘅價錢真係好驚喜。配菜都好正，勁足料，薯仔夠粉好新鮮🎩偷聽到老闆講本來應該想用粟米蓉，但個人建議粟米粒賣相應該會好啲😝輪到我份薄牛扒！真心我覺得係多過五成熟嘅，但想講一啲都唔薄！絕對大件夾抵食。我最欣賞係個蒜蓉汁，老闆好有heart真係有好多新鮮蒜蓉。老實說，我覺得老闆係好有heart💗好有熱誠好有執著。其實👉🏻一個咁嘅價錢，配一個咁嘅分量👈🏻，真係好有良心嘅一間餐廳！我敢講我今餐係好味嘅，當然有可進步🆙嘅位置i.e.牛扒偏韌，凍奶茶太甜不過平心而論，一個伯伯一腳踢做到咁多已經好唔簡單，如果有心支持又唔想食到一肚氣，建議望一望店內食客進度，咁你就預
我就本住去食個西餐嘅心態去，反而幾驚喜😊
我地大概12:45左右到嘅，一坐底老闆已經過嚟打個招呼，同場有另一個客人早過我地等緊堂食，我因為想2:00前離開，所以都好快落左單。老闆有溫提，可能要等耐少少喎
其實等左大概15分鐘就已經有野食，賣相一啲都唔差！呢份雞扒係老公嘅，個sauce係好味個種濃，蕃茄嘅酸酸地配小小辣，雞肉唔鞋，係煎香咗有少少脆邊…食到一半老公發現sauce裏面仲有半隻大啡菇！咁嘅價錢真係好驚喜。
配菜都好正，勁足料，薯仔夠粉好新鮮
🎩偷聽到老闆講本來應該想用粟米蓉，但個人建議粟米粒賣相應該會好啲😝
蕃茄汁雞扒意粉
$58
62 views
0 likes
0 comments
輪到我份薄牛扒！真心我覺得係多過五成熟嘅，但想講一啲都唔薄！絕對大件夾抵食。我最欣賞係個蒜蓉汁，老闆好有heart真係有好多新鮮蒜蓉。
蒜蓉汁薄牛扒意粉
$68
60 views
1 likes
0 comments
老實說，我覺得老闆係好有heart💗好有熱誠好有執著。其實👉🏻一個咁嘅價錢，配一個咁嘅分量👈🏻，真係好有良心嘅一間餐廳！
我敢講我今餐係好味嘅，當然有可進步🆙嘅位置i.e.牛扒偏韌，凍奶茶太甜
不過平心而論，一個伯伯一腳踢做到咁多已經好唔簡單，如果有心支持又唔想食到一肚氣，建議望一望店內食客進度，咁你就預算到你大概要等幾耐😊
💟但係如果想享受慢活，同男/女朋友傾下計坐耐啲，呢度絕對啱你💟
#不喜勿插 #正能量 #支持 #自食其力 #堅持做自己喜歡做的事 #你可以嗎
羅宋湯
$10
35 views
0 likes
0 comments
Post
