藍象泰國餐廳 (Closed)

除左日式同西餐，我最中意食就係泰國菜啦。最近就去左尖沙咀港威大廈既米芝蓮三星泰國菜【藍象泰國餐廳】食晚飯！餐廳外面都好有泰國風格、但内裏就比較係西式。服務態度都幾好，但上菜速度快左少少！我地分別叫左泰式比利時炸蝦、泰國皇家蒸餃、泰式椰子鷄湯、香濃馬沙文咖喱、油鬆餅同芒果黑白糯米飯。泰式比利時炸蝦（半份）：炸原隻香甜爽脆蝦，外面炸得金黃香脆，内裏juicy彈牙！泰國皇家蒸餃子（半份）：非常精緻藍白色花花造型蒸餃，裏面係蝦、鷄同冬陰功餡，不過味道偏淡同口感偏粉，未必個個人都鍾意。泰式椰子鷄湯：非常香濃椰奶味道，味道適中，唔會太淡太鹹，鷄肉非常嫩滑！仲有D椰肉，口感非常特別！香濃馬沙文咖喱（牛肉）：有別於一般泰國咖喱，馬沙文咖喱比較厚身同偏甜，基本上無辣味、反而好重香料味道。牛肉好軟好霖好入味、最特別係有紫番薯，同呢個馬沙文咖喱非常match！油鬆餅：烤得好鬆軟香脆，但又唔會好油，搭配咖喱剛剛好！芒果黑白糯米飯：可能芒果已經唔係季節，所以唔算太甜。紫米同糯米仲係暖既，而且造型好特別，唔會太甜！旁邊仲搭配左朱古力雪糕，上面既烤椰子絲係神來之筆！