焱手工涮涮鍋 (Closed)

同朋友喺彌敦道行完街搵嘢食！原本諗住食豐洲水產！ 但係朋友不太好日本嘢！ 所以我哋就去咗樓上3樓食焱手工台式火鍋！呢度可以散叫又有套餐！以為自己精打細算叫咗套餐！點知就重大伏喇我哋叫咗一個每位$298嘅海鮮火鍋套餐！ 因為我個人對牛都比較有要求！ 喺揀肉食方面我哋每位再加20蚊轉咗封門柳！ 其實計返，未計加一都已經每位$318！不過當時覺得，唔緊要啦，好食嘅話貴少少都ok啦！ 所謂辛苦志在搵黎食吖嘛！因為我喜愛食辣，所以就挑選左宜個三重鍋！即係一邊係麻辣湯，一邊係美人鍋，而中間就係清酒蜆！鍋底一上果陣已經覺得係第一伏！點解麻辣火鍋會係甘既味？ 我除咗食到同見到指天椒嘅籽之外咩味都食唔到！心諗算！D料ok就由佢！除左碟牛，其他睇個樣都ok！碟牛一睇已經覺得唔新鮮！瘀黑色重要超級有咬口！（ 封門柳應該係好淋身而又有牛肉味）唉！即係覺得第二伏！海鮮拼盤！我都唔想評論佢貴定平啦！有蝦，帶子，龍躉片，花枝片，蟶子皇！總共5款！只可以話尚算新鮮！性價比高唔高就自己諗啦！手工丸拼盤真係要講粗口！ 梅菜丸好難食！粒餃叫同釀冬菇正常！果舊三色成舊糕既物體原來係墨魚滑！有陣怪味，唔識欣賞！個雪條棍蝦滑真係