綠林甜品 (Closed)

係鵝頸橋見佢派傳單勁抵，堂食有八五折，仲有免費糖不甩送，行到熱熱地試下先。糖不甩配粗粒花生都幾香口，最重要係free😌。本身喉嚨痛就諗住試吓川貝海底椰無花果燉雪梨滋潤吓（$38),本身仲好怕好重川貝味，不過唔係好覺有。雪梨都有四大塊，不過海底椰同無花果份量就好少同圖片有d 出入，糖水有雪梨味但好甜。另外外賣左個合桃露，杰得黎都係好甜😵。西式甜品唔知會唔會好啲？見佢有個朱古力脆皮豆腐布甸好似幾特別。👍🏻不過呢間算係良心企業，長者，學生，殘疾有7折， 外賣又有8折，員工幾nice 幾有人情味。