Video
Read full review
2017-06-06
15856 views
又上太空了..., 上次去低一層的龍璽, 因為亂搭笠, 上錯咗103樓, 要搵位靚女 專登開架電梯落翻去. 今日就無攪錯了, 到102樓的天龍軒晚飯, 首先必須坐電梯上103樓, 再落翻一層..., 好麻煩??? 係! 愈高檔既食肆, 就愈多麻煩嘢啦... 上一次, 101樓飲茶, 曾經提過, 香港發展商起樓, 40層就講到係60樓, 60層就講到80層, 到底102樓, 即係幾多樓呢? 今次即刻上網了解一吓..., 果然有發現..., 呢個世界, 無聊人, 實在太多, 已經有人做了詳細研究, 整棟大廈報稱108層, 但其中有些層數是跳過, 就是: 114, 105, 104, 94, 93, 84, 83, 74, 73, 64, 63, 54, 53, 44, 43, 34, 33, 29, 28, 26, 24, 23,14, 13, 7, 6, 5, 4, 總共係28樓, 也即...這是一棟80層的大廈, 又係...上次講咗..., 對我而言, 80樓都好Q高囉....咁高級既食肆, 如果天天都滿座, 真係不得了..., 聽講話, 果個富豪... 阿邊個呢..., 味就係果個囉
又上太空了..., 上次去低一層的龍璽, 因為亂搭笠, 上錯咗103樓, 要搵位靚女 專登開架電梯落翻去. 今日就無攪錯了, 到102樓的天龍軒晚飯, 首先必須坐電梯上103樓, 再落翻一層..., 好麻煩??? 係! 愈高檔既食肆, 就愈多麻煩嘢啦... 
上一次, 101樓飲茶, 曾經提過, 香港發展商起樓, 40層就講到係60樓, 60層就講到80層, 到底102樓, 即係幾多樓呢? 今次即刻上網了解一吓..., 果然有發現..., 呢個世界, 無聊人, 實在太多, 已經有人做了詳細研究, 整棟大廈報稱108層, 但其中有些層數是跳過, 就是: 114, 105, 104, 94, 93, 84, 83, 74, 73, 64, 63, 54, 53, 44, 43, 34, 33, 29, 28, 26, 24, 23,14, 13, 7, 6, 5, 4, 總共係28樓, 也即...這是一棟80層的大廈, 又係...上次講咗..., 對我而言, 80樓都好Q高囉....
咁高級既食肆, 如果天天都滿座, 真係不得了..., 聽講話, 果個富豪... 阿邊個呢..., 味就係果個囉..., 係獄中捱咗十八個月皇家飯之後, 一申請到保釋, 第一餐飯就係係嚟呢度食.... 咁..你知係邊個啦! 
靠窗口的座位, 只有六人檯, 當然... 你四人的話, 也可以給你坐, 但如果是七位以上, 那就與海景無緣了..., 龍景軒的對外景觀與龍璽剛剛相反, 龍璽望對面香港東南方, 天龍軒則望後景西北, 油麻地避風塘一帶和它長長的防波堤, 映入眼簾, 還能免強辨認, 是大大的昂船洲. 
坐下不久, 先來一客前菜, 每人一碟, 應該是免費的, "免費"既意思係...已經計了入茶芥項目, 係香港, 無論係幾高級的食肆, 都會用盡方法, 係不同程況之下收取費用... 這是常識吧.... 哈哈哈... So..., 最好味是竹荀, 微微酸, 完全無根, 軟中帶爽, 
同檯友人帶酒, 無留意係咩嘢名堂, 只知道係香檳..., 係真"香檳", 香檳區出的香檳, 並非有氣白酒, 果香味顯著, 最重要係"少甜", 啱晒胃口, 天龍軒的自帶餐酒費用是$500/一枝, 好貴..??? 係!! 好@貴! 下次再嚟, 會同部長講吓價, 話唔定會唔收添...! 跟住...友人一句"得"埋嚟: 去樓下圓方既大快活, 自帶酒水, 免費!!!
芝麻海蜇凍鮑絲 ($135), 菜名也算寫得夠謙虛... "鮑絲"..., 其實寫"鮑條", 也未為過, 鮑魚切得也算中粗有厚度, 海蜇墊底, 兩旁放青瓜, 一般酒樓也要六、七十元, 這裡一百三十五元, 貴一倍..., 好犀利????? 少年, 你太年輕, 太少見識了.... 哈哈
窩貼大蝦多士 ($130), 剛不久前, 才在中環香港大學校友會, 食過... 據聞很出名的"鳳尾蝦多士" (係"據聞"咋....), 四件賣九十元, 天龍軒的蝦多士, 無咗條蝦尾, 六件, 收一百三十元, 論口味質素, 香港大學校友會做的蝦多士, 多士和蝦肉都比較厚身, 口感較為豐富, 但論"性價比", 天龍軒唔算收得貴.
蜜燒西班牙黑豚肉叉燒 ($320), 做生意, 講過"信"字..., 香港首富都係咁樣樣講 (好似係...), 何況貴店係國際知名米之蓮星級店, 你話用西班牙黑豚肉燒出來的... 我梗信㗎! 但... 以我這等凡夫俗子的水準, 點可能食得出係祖國貨還是西班牙貨吖..., 但無問題, 同檯有飲食專家, 某位飲食專家咬了第一啖, 就嘆了一聲: "好軟熟, 又帶些少爽口, 外層微微焦燶, 燒得火喉剛剛好, 西班牙的黑豚肉...果然出色!!", 嗱... 咁樣樣..., 專家食得出係西班貨, 我無理由唔信啦.... . 一客西班牙黑豚肉叉燒, 有八件, 賣三百二十元, 即是一件四十元(如圖大小, 大概1.5cm x 4cm), 貴過我樓下茶記食一碟叉燒飯少少啫..., 我覺得..., 好抵食呀....!
原個椰皇花膠燉雞 ($410), 椰皇燉湯的材料, 算交足功課, 花膠比一般的酒家用的厚身很多, 燉湯用的雞肉, 我食唔出有甚麼特別, 反正煮湯用的雞, 冰鮮或新鮮, 基本上沒分別. 煲完湯的雞肉, 如果你食得出分別, 你必定係一等一高手, 那... 無理由你還會睇Openrice㗎...!? 我唔信囉, 一等一既食家係唔會折磨和摧殘自己的心靈... 哈哈哈... anyway, 講翻這件用椰皇燉的花膠雞湯, 椰香味道, 聞到但嚐不到, 飲時未知價錢, 飲完後, 看餐牌才知道, 四百一十元 ..., 可以去食一次中等價錢既自助晚餐了("中等價錢"係包括埋印了openrice的優惠卷.... )
花雕蛋白蒸蟹拑 ($310), 剛才的燉湯價錢, 可以食中價自助餐, 那...這件蒸蟹拑的價格, 則可以食一次平價自助餐了. So...., 蟹拑的確夠巨型, 賣相也十分精美, 放在有花雕酒煮過的蛋白上, 聞一聞, 大力一索..., 花雕味道..., 少香而不濃, 少少酒香, 對於不飲酒的女士們, 味道剛好, 但好酒的男士, 則略嫌淡了一點. 蟹拑肉質高水準, 蒸得時間也剛好, 完全無鞋口, 雖然三百一十蚊一隻, 但相對於港大校友會, 也要二百八十元一隻炸蟹拑, 這店的價格, 直情可以用超值嚟形容啦.... (窮L 唔好流口水了, 一定無你地份!)
龍軒東坡肉 ($112), 一件太飽, 與友人共享, 各人半件, 顏色略偏深啡, 與一般江浙菜館做的東坡肉有所不同, 但入口味道則差不多, 曾經食過低幾個級數的米之蓮推介店, 灣仔既杭州酒家, 其東坡肉做得比這店更軟和化一點. 圖中那兩件伴碟挑花東瓜, 如果蒸煮得再淋一點, 就very good 喇...
薑蔥蘑菇焗雞 ($275) , 蘑菇味道, 十分輕身, 雞皮並非燒得香脆的品種, 幸好不算厚, 仍然可以與雞肉一同入口, 以天龍軒的級數, 二百多元的焗雞, 當然不會是新鮮雞, 肉質也沒有甚麼特出之處, 相比起家人在深水埗買回家的走地雞, 如果再來, 不試也不覺可惜. 
紅甜椒豆豉爆和牛 ($648), 這味菜, 絕對係經典之作! 未睇餐牌由是可, 一睇!... 真係要學"靚次伯", 來一句: 哎也也...., 再諗起"汪阿姐"話齋: 嚇得我心都即刻離一離..., 呢碟非常精緻的既"西芹紅椒炒牛肉粒", 索價六百四十八元, 每件大約1.5cm x 1cm 大小既牛肉粒...., 我數過, 我真係數過..., 起碼有八粒..., 我食咗好多...., 唔係牛肉, 係西芹和紅椒, 咁牛肉呢...?? 食咗一粒咁多 (六位人士, 女士有優惠, 分到兩粒是常識吧... 你想食兩粒!? 扮女人囉... ). 我雖然食咗一粒, 但放入口, 我咬咗好耐, 唔好誤會, 唔係牛肉太韌, 牛肉粒 不知幾正, 又軟熟, 又無根, 又唔鞋口, 只不過..., 成八十蚊一粒牛肉, 好似半件擦膠大小..., 好肉赤, 要咬翻夠本先捨得吞落肚... 
松露翡翠竹笙卷 ($242), 這味素菜, 對比起那次在龍景軒, 二百八十元的"琵琶映紗窗", 即鮑魚菇竹笙蘆筍, 可謂旗鼓相當..., 但我認為天龍軒略勝一疇, 平了四十元, 多了松露 (係...松露咋, 無話係黑松露, 有咩嘢唔同!?? 鮑魚和素飽魚都係差一個字啫....), 正所謂... 巧立名目訂高價, 都要有做得夠卓頭, 消費者先會比得心甘命抵囉..... 哈哈.... 
芝麻奶皇煎堆仔 ($75), 平均一粒二十五元, 入口好熱, 即炸既, 一定好味道! 前兩日去稻香飲茶, 都食過煎堆仔, 還記得... 都係即炸, 好熱, 好香口, 都係一客三粒, 但價錢好似係$13.5一客, 即係$4.5一粒..., 同天龍軒有咩嘢分別??? 梗有分別啦..., 天龍軒...意景高好多...., "意景" 呢家嘢, 你地普通市民識條鐵咩!
香芒楊枝甘露 ($95), 非常多柚子粒, 但芒果不算多, 從液體的杰度判斷, 應該都用了很多芒果蓉打出來, 而味道... 與我差不多每星期 都有幫襯的"芝麻綠豆甜品店"不相伯仲, 但"芝麻綠豆甜品店"賣緊二十八蚊一碗, So...., 天龍軒的$95, 與芝麻綠豆的$28, 你梗以為 我又會話..太貴啦.??? 完全錯晒! 埋單時, 部長話...., 多謝你地幫襯, 又見你地咁靚仔, 香芒楊枝甘露, 唔收錢, 免費送比你地食.. ... 唔信？？？？ 真係免費㗎 ... ....... 除咗靚仔囉 ..
食完飯, 天都黑晒, 燈火景色更美. 食完咁貴嘅一餐 , 心裡有點唔舒服 .... 感覺 .... 好敗家 ... 唉 ...
Post
