兩三碗餃子

Open Now

Now Closed

有一段時間無食餃子，今次黎慈雲山呢間小店設有自助區，醃蘿蔔、豆瓣醬同蝦米辣菜脯可以任拎，亦有水可以自由斟，除左餃子可以配唔同湯底，仲有小食同埋飯麵。🔸香芹芫茜鮮豬肉餃配鮮雞湯餃子大隻皮薄餡靚，每隻都好飽滿唔會好易散，真材實料啖啖滿足👍🏻鮮雞湯清淡得黎唔會寡而無味，仲有幾塊冬瓜，香芹芫茜有獨特香氣配淡淡雞湯好夾，一濃一淡相得益彰，香芹芫茜同鮮豬肉比例得宜，鮮豬肉食得出係半肥瘦加埋香芹芫茜口感層次豐富😋🔸咖哩薯仔豬肉餃配蕃茄薯仔湯咖哩薯仔豬肉餃帶微辣，薯仔如果再粉腍d就更好，蕃茄薯仔湯少酸唔係茄膏味，略嫌咖哩薯仔豬肉餃配蕃茄薯仔湯互搶左大家味道，建議如果食咖哩薯仔豬肉餃可能配鮮雞湯會更好😝🔸醉鮑魚 有4隻每隻都幾大，厚肉彈牙好入味酒味濃郁🔸口水雞腎 口水汁香得黎唔會好辣，雞腎份量幾多好爽口餃子幾抵食推介香芹芫茜鮮豬肉餃配鮮雞湯，醃蘿蔔同蝦米辣菜脯亦有水準，經過慈雲山可以試下～