一粥麵 (Closed)

未食過一粥面既早餐，決定試試。叫左個肉碎蒸腸粉餐，加一杯熱飲，$25。同埋雞扒炒面烚蛋餐，加個碎腩通，$32.5。腸粉一碟$25，其實都幾貴。但炒面餐就幾抵，好多人叫。由落完單，惡夢就開始啦。腸粉餐係叫號碼既，但雞扒餐係要交飛。問題黎啦，排隊交飛條人龍，十幾個人，排排下腸粉餐可以拎得啦，但係點拎呢，行開又要再排過結果，一等，等左半個鐘，就係為左食個雞扒餐，等到個腸粉都凍晒。交飛果陣，話個雞扒要等，叫我食住隻烚蛋先，轉頭出黎拎。真係火都黎，🤬咁我個餐個炒面呢，冇雞扒都算，炒面都唔俾我，叫我齋食蛋。其實佢d炒面同烚蛋都整好晒，只係出餐既有問題，搞到一獲粥。加左個碎腩通，變左火腿通，同佢講，唔知點解又俾左個碎腩米，咩事呀！雖然佢個腸腸係幾好食，但係，我唔會再幫襯呢間架啦！食個早餐食到成肚火。。。仲要d位迫到，同後面既人背脊貼背脊。