慢煮工業 (Closed)

同朋友聚會無意間發現左我認為幾適合同一班朋友Chill嘅餐廳,內裏嘅裝修帶有少少工業風,價錢合理份量幾大。菲力牛扒經過慢煮,肉質嫩軟又juicy,一切開肉汁澎湃流出,嫩粉紅色非常吸睛。牛扒調味方面只加上黑胡椒,鹽同蒜頭,雖然調味簡單但係已經好好食,能夠帶出牛嘅香氣。煙燻豬仔骨嘅份量都幾多,切開有4大條。肉質軟淋到可以骨肉分離,而且BBQ味好入味。 依份甜番薯條真係超抵食,平時閒閒地起碼都要$40-50一份,但係依份只需要$28,仲要多到食唔晒。馬蘇里拉芝士條新鮮熱辣辣炸起,咬開一半仲有強力嘅拉絲效果。炸海鮮有齊晒炸魚,炸魷魚圈同炸蝦。我個人就最鍾意炸魚,口感外脆內軟。