串燒屋

Open Now

Now Closed

今日又去觀塘行街買野，之後又去搵食，呢道間餐廳係食串燒既，懶人串燒，唔使自己動手太多，有機自動轉燒熟，非常方便。呢道有各式各樣既野食，全部都係一個價錢任食，真係好抵食。冷盤有豆腐，重有必食既泡芙，中間非常creamy,呢款一定要食，我個人十分喜愛。重有自家涼茶，唔會好甜，最岩就係消暑解渴清熱。主食方面就各式各樣既串燒，有丸，有各類肉，有海鮮。有生豪，有青口。呢兩款都好大隻，口感一流，非常飽滿，而且好新鮮。必食之選。肉類都有好多選擇，有羊架，有各部位既牛肉，有豬肉。肉類都好新鮮，入口即溶，非常有口感。羊架又好有羊肉味，肥瘦適中，容易入口。重有牛仔骨都有唔同口味可供選擇。雞翼都好好味，值得一試。重有好多款炸物，即叫即整，非常香脆可口，而家非常快就送上，所以一定夠時間慢慢食到飽，唔使心急。甜品方面有棉花糖，重有雀巢雪糕三款口味。我個人最鐘意既係香芋雪糕。黎到已經唔怕會食肥，今晚盡情食完聽日再減，耶。