林記懷舊小食

Open Now

Now Closed

屋企附近新開咗呢間「林記懷舊小食」我對懷舊嘢好有興趣，會欣賞吓佢嘅特色啊、字體啊、設計等等，見呢間舖裏裏外外都好多懷舊裝飾，有玩具、熱水壺、碟等等，我都睇咗好耐先走🤣呢間懷舊小食好多人幫襯，keep住都有人流，我5點幾6點先去，好多糕點都賣清光嚕～下次要早啲嚟先得！🥭芒果糯米糍好彩仲有芒果糯米糍，除咗食開白皮之外，好特別地佢有「黑皮」芒果糯米糍其實食落都一樣嘅，芒果好大粒，糯米糍皮都唔會好厚，好滿足😌🥢白糖糕我諗我上一次食真係小朋友嗰陣😂今次的確想懷舊吓所以食嘅，質感係蜂巢狀，白糖味好夠🥢砵仔糕有啡色白色，我比較鐘意啡食（有人叫黃色？）好多豆，砵仔糕好大件，食一件都飽🤣仲要咗包餅返去慢慢食，呢到有好多餅乾揀，有水泡餅、南乳餅、威化餅、手指餅、字母餅… 好有童年回憶😆📲FB及IG網頁都可以落單📲網上落單優惠至31May消費滿$80👉🏼95折消費滿$160👉🏼9折消費滿$240👉🏼85折消費滿$320👉🏼8折消費滿$400👉🏼75折消費滿$500👉🏼7折