Video
Read full review
2022-06-03
660 views
諗住食個快lunch, 屋企附近嘅餐廳都厭厭地, 就諗住幫襯下開左一排而冇衝動入去嘅餐廳試試。因為喺後巷開嘅，門面唔吸引，同埋大大隻字寫住牛肉飯，就麻麻地想試，今日唔知食咩好，就try try喇。入到餐廳，當時全場得一枱客，然後侍應姐姐就叫我地坐埋去人地隔離枱。果枱客得2個人，唔知點解可以坐得勁衰，隻手頂住條路，好難埋位坐，有d無奈，咁大間舖都咁安排，又唔係多人、而家疫情、要坐人地隔離枱、仲要冇隔板；我明lunch可能爆客，但係會唔會喺冇乜客人嘅時候，要唔識嘅客人坐咁近，好彩而家疫情完左第五波。到睇吓嗌咩野食，枱上有個餐牌+有枝筆落單，寫好諗住叫侍應，侍應就老點我老公出去比左錢先，隔左陣，我老公返嚟就同我講，侍應叫佢食完走先比錢，好騎呢，一時一樣！ 到野飲，就叫我地雪櫃出去自己拎，umm..ok......扮放題係咪?? 然後，拎野飲期間，侍應貪快拎定個餐牌喺我地另一邊隔離枱放低for下個客，同時放低1對筷子喺我地呢邊枱，我諗左陣，我同老公都要筷子，點解得1對，應該係2個野食只供1對筷子？等左陣，好快有野食上枱，叫左 韓式雞肉撈粉絲 同 慢煮雞胸肉烏冬。韓式雞肉撈粉絲，好清淡，好少汁，
入到餐廳，當時全場得一枱客，然後侍應姐姐就叫我地坐埋去人地隔離枱。果枱客得2個人，唔知點解可以坐得勁衰，隻手頂住條路，好難埋位坐，有d無奈，咁大間舖都咁安排，又唔係多人、而家疫情、要坐人地隔離枱、仲要冇隔板；我明lunch可能爆客，但係會唔會喺冇乜客人嘅時候，要唔識嘅客人坐咁近，好彩而家疫情完左第五波。
到睇吓嗌咩野食，枱上有個餐牌+有枝筆落單，寫好諗住叫侍應，侍應就老點我老公出去比左錢先，隔左陣，我老公返嚟就同我講，侍應叫佢食完走先比錢，好騎呢，一時一樣！ 到野飲，就叫我地雪櫃出去自己拎，umm..ok......扮放題係咪?? 然後，拎野飲期間，侍應貪快拎定個餐牌喺我地另一邊隔離枱放低for下個客，同時放低1對筷子喺我地呢邊枱，我諗左陣，我同老公都要筷子，點解得1對，應該係2個野食只供1對筷子？
等左陣，好快有野食上枱，叫左 韓式雞肉撈粉絲 同 慢煮雞胸肉烏冬。韓式雞肉撈粉絲，好清淡，好少汁，而雞肉就ok嘅，唔鞋、量多，同埋唔知點解送左粒飯比我，多謝晒。 而 慢煮雞胸肉烏冬，雞胸肉有d硬，唔似慢煮，重醬，都ok啦，見唔洗2小時就出到個雞胸，又唔貴，原諒佢硬硬地。
坐左陣，發覺原來餐廳廁所幾大，有廁格，不過原來男女共用，希望冇變態婆/變態佬啦。而每張枱坐位上，都有姜濤咕臣、而野飲就Anson Lo嘅代言汽水、播放嘅歌就...竟然大雜燴，坐左一個鐘，先聽到一隻mirror歌，都唔主題feel嘅。不過間餐廳係抵食嘅，唔要求佢咁多。
望下餐牌，發覺原來呢間餐廳同另一間餐廳個名好似，點知，原來係有關連；呢間係24 yummy，我之前間中都會食 #24 food station，不過我坐 #24 food station 感覺好好多，野食都岩食d。
整體嚟講，兩間餐廳 唔係野食好唔好味問題，而係款式唔同，24食坊偏向多類型嘅，而 #24 food station 就西式d嘅，兩間都唔係用好味形容，但係岩食嘅話，就係後者呢間。所以今次呢間，體驗麻麻，應該都可一不可再。88
Post
