La Mer Restaurant & Lounge (Closed)

偶爾會同朋友去high tea港女一下🤣可以影下女神相之餘，又可以同朋友閒聊一下。呢間餐廳既環境幾高貴，帶點復古味道。.Tea set $288 加一服務費賣相正正常常，行成熟、外國風格。咸點有蝦仁熱狗包、迷你芝士火腿三文治、煙三文魚法包。味道不過不失，特別中意食果個三文魚，口感幾嫩潤😋👍🏼而甜點方面有咖啡朱古力蛋糕、馬卡龍、檸檬蛋糕同迷你cupcake，味道都吾錯呀，水準比咸點更佳，甜而不膩👍🏼.另外，英式鬆餅好香、咬落既口感都幾好。總結而言，如果甜點既數量再多啲會更好🤤可能係新開冇耐，下午去到冇咩人，可以傾到計同埋hea耐啲都得。