一鍋豐 (Closed)

今日去食呢間主打海鮮火鍋套餐嘅"一鍋豐",呢度都有成10種湯底, 比起其他任食火鍋店選擇都算幾多, 有辣有唔辣, 同埋個人覺得藥膳醉雞湯烚海鮮係特別好食嘅, 花雕香可以帶出海鮮嘅鮮甜味!點菜紙上嘅食物種類超多呀! 肥牛都分左幾隻,又有滑牛,又有肥牛粒, 牛肉狂已經蠢蠢欲動~任食海鮮都唔輸蝕, 海蝦, 海蜆, 日本帶子仲有丸類, 菜類, 選擇超多!秘制香辣醬辣得黎又有啲好似xo醬嘅鮮味,加分! 仲有佢最特別嘅一樣野係表明採用李錦記醬料, 成件事令人食得更加放心~鍋底到左同時象拔蚌刺身同海鮮拼盤都到左喇~兩個湯底都好香,有濃濃花雕香,又刺激嘅麻香味! 象拔蚌刺身,新鮮爽口鮮甜,值回票價啦-鮑魚要注意下鍋時間唔可以太耐, -扇貝沾上麻辣湯嘅味道, 更鮮更甜! -桶蠔好大隻,啖啖蠔味!-韭菜餃有驚喜! 啖啖韭菜,豬肉比例剛好,餃子皮又滑~必試一入黎個時已經見到有雪糕雪條雪米糍任食, 雪米糍放15分鐘溶溶地咁食超正,係雪米糍嘅最高境界仲有藍妹啤酒,紅酒,白酒任飲, 岩晒一大班朋友黎聚會~