成都老碼頭火鍋 (Closed)

前幾天用openrice search咗幾間邊爐都full booking, 搵到呢間有位，就試一試啦。估唔到環境咁有特式，食物一樣出色。先講湯底，羊肚菌竹絲雞燉湯好濃香，而麻辣要小辣都比想像中辣。所以比正常叫関既辣要低少少。叫了個小鍋牛雜，好入味，同香。而且有個火喺下面小小地滾住，好有風味。牛拼盤有2款，叫了平啲嗰款，都有5，6款牛，不過不失。牛根丸值得一試，有牛味多汁。 最特別叫咗個名菜菊花牛鞭，口感似牛筋，味道唔識形容，未食過可以試下。聖子係意外之選，$58／2隻，初頭覺得有啲貴，但估唔到咁大隻，而且鮮甜。服務方面要讚一下男經理。好醒目sell佢公司既食品，但唔係亂sell,係真好食。 牛雜同聖子都係佢推介。而牛丸本來叫黑松露牛丸，但喺佢推介下改為牛筋丸，平咗之餘確係好味。環境真係好有中式氣氛，傳統得黎真係有裝修。另有驚喜係佢有任食生果，仲用高檔既蜜瓜同百香果。