Video
Read full review
2009-05-06
136 views
同Honey星期六去圓方shopping兼食晏，記得平台上面有幾間餐廳，成兩點七先上到去，可能過咗lunch hour，間間餐廳都泠冷清清，係呢一間仲有幾多客食緊。再望清楚原來係半自助餐，啲頭盤、沙律同甜品款式好多，擺哂出嚟好吸引，價錢二百零唔算太貴，同埋個waiter好nice，原本三點鐘要收前菜，佢話可以延遲多十五分鐘，所以連餐廳名都唔知就入咗去。餐前麪包籃......款式多，味道好。Salad Bar......除咗Parma Ham配蜜瓜同一般沙律菜可以DIY之外，另外仲有成十款沙律選擇。特別推介Grilled Tuna Salad同Roasted Beef Salad，意外驚喜係Parma Ham配鮮菠蘿，我同Honey都覺得比配蜜瓜好食。主菜......Honey叫咗青口香草汁寬條麪，青口好味但係個汁比較油膩咗少少。我嘅羊扒就好嫩好有羊味，連唔太食羊嘅Honey都大讚！甜品.....有水果同好多甜品選擇，唔會少得過full buffet 好多，特別推介cheese cake 、fruit tart同Tiramisu。除咗食物之外，印象最深刻嘅係呢度嘅服務，簡直係超水準，細心
餐前麪包籃......款式多，味道好。
Salad Bar......除咗Parma Ham配蜜瓜同一般沙律菜可以DIY之外，另外仲有成十款沙律選擇。特別推介Grilled Tuna Salad同Roasted Beef Salad，意外驚喜係Parma Ham配鮮菠蘿，我同Honey都覺得比配蜜瓜好食。
主菜......Honey叫咗青口香草汁寬條麪，青口好味但係個汁比較油膩咗少少。我嘅羊扒就好嫩好有羊味，連唔太食羊嘅Honey都大讚！
甜品.....有水果同好多甜品選擇，唔會少得過full buffet 好多，特別推介cheese cake 、fruit tart同Tiramisu。
除咗食物之外，印象最深刻嘅係呢度嘅服務，簡直係超水準，細心而attentive。喺我哋坐低之後，陸續都有客入嚟，waiter好細心咁行埋嚟叫我地慢慢食時間會再延長，就算係尾段都不停換新沙律，最終我地食到四點先走，抵！可能我地不停咁影相，waiter都好主動咁幫我同Honey影咗張合照，抵！最後餐飲嚟咗之後，waiter又好主動揀咗啲曲奇畀我地送咖啡，抵！就算唔食呢個半自助餐，只係散叫其他嘢食，個賣相都好靚（因為偷睇其他食客所點嘅食物），所以對呢度嘅晚餐都有啲期待。
睇番食評竟然喊臉多過笑臉，於是的起心肝寫第一次食評，希望幫呢間餐廳平反一吓，又或者係提供另一個意見畀大家參考。
Post
