雲南啊老表黑山羊湯鍋米綫 (Moved) New Location

嚟到這間主打食羊的米線舖，而我卻叫了一碗牛腩米線。米線份量都幾多，唔太大食嘅女仔食完一碗應該都幾飽。湯底比較清淡，帶有好香嘅蔥油味。不過牛腩嘅份量就少啲，成碗夾埋都喺得4至5舊，而且都喺比較細碎嘅部分，唔喺完完整整的一件牛腩。牛腩肉質較爽口，無咩肥肉同筋，質量唔錯。米線另外加多左豬大腸做餸，不過大腸好似無經過調味醃製咁樣，食落淡而無味而且很難咬開。男友叫的白菜豬肉餃賣相唔錯，隻隻都包得好靚好飽滿，咬落仲有肉汁，幾好食。有機會的話，下次再嚟試下舖頭嘅鎮店之寶羊肉米線。