Zakka (Closed)

行完花市，周圍都係人，拎住好多野，諗住求其搵間坐得鬆動既食，見到呢間Zakka，隔離大家樂米線陣，都估到係大家樂旗下，見周圍都係人呢道有唔少吉枱，都估到伏伏地，但旨在坐低抖下，就一於試下。自助形式，柜面買野食，然後有人送上，沒有收加一的。野菌黑松露意粉$98，跟湯，熱飲轉酥皮湯加$12，凍飲加$3。質素一如所料伏價錢比出面西餐廳平少少，但質素就.....我寧願食返大家樂算意粉汁太多，菇有苦味，似食緊湯麵，係無味既湯麵，意粉真係不行咖喱吉列豬扒飯$98個咖哩汁唔錯，有日式風味，有芝士味，豬扒份量都夠多，但飯偏少，個碟好淺身吉列豬唔得，皮厚，又唔脆我都係去大家樂食焗豬扒飯算