名館 (Closed)

屋企人生日，當然要帶佢地食下好西，（懶係）有孝心。啊爸啊媽鍾意食中餐，我又唔想食酒樓，一於揀呢間fusion中菜。我幾鍾意d懷舊裝修，尤其係d綠色，哈哈同啊爸啊媽一人嗌左杯野飲。我最鍾意檸檬薏米水！雖然杯野係熱既，但d檸檬泡熱水又唔苦，飲落好清新。btw啊媽不停講薏米水好寒涼，女仔最好唔好飲太多。其實仲有紅棗桂圓茶都好好飲，但我都係最愛薏米水，理得佢寒唔寒。之後啊媽揀左個蒸娃娃菜。我當時真係心諗：啊媽你黎呢度，竟然食蒸菜。。。點知原來母親永遠是對的。呢個金銀蒜蒸菜d蒜好香，夠味，娃娃菜吸收曬d汁。結果我食呢道菜食得最多。另外特別要講既係呢個金黃球泡飯！我從來未食過咁樣既泡飯：d飯預先炸過，食落既有泡飯既軟，又有飯焦既脆。雙重口感，雙重享受啊！個湯底好多番茄，酸酸地，幾開胃。仲有就係呢個燜雞。你以為佢係普通既燜雞？其實，佢係一隻富貴既燜雞！入面原來有鮑魚。你以為佢係一隻富貴及燜雞？其實佢都係一隻養生既燜雞，因為入面仲有淮山！可惜佢上既時候，我已經食到好飽，冇乜點食到。。。最後點少得甜品！個甜品真係幾有驚喜。原本覺得中餐廳既西式甜品未必好食。點知一試，又令我幾喜出望外。個布甸奶味濃郁，夠凍