禮賓閣餐廳

Open Now

Now Closed

我一直以為，好食既茶餐廳態度差；難食既茶餐廳態度好，是一個定律。茶餐廳早餐來來去去都是火腿通粉火腿煎蛋，加上一杯熱奶茶，對我來說已經Good enough to begin my day。而呢一間餐廳竟然可以令無要求既我覺得咁灰，簡直係神乎奇技。先由食物說起，火腿米線，未熟的；煎蛋，有殼。可以食的只有火腿絲同多士，都好，可以減肥。再說服務，老實說憑我多年食澳牛及九記的經驗，我對茶餐廳的服務態度真係完全無要求。這餐廳的侍應會因為太多人買外賣，對收銀大喝一聲：唔好接單，叫佢地企晒係度先！呢一刻我終於明白，所謂天外有天人外有人，澳牛之所以迎來黃昏只因有餐廳在服務上超越了他。總括來說，能遇上在食物質素及態度都如此奇葩的餐廳，我只能默然過隔離M記買多個窮人餐，至少人地準時又好食。