Video
Read full review
2022-12-27
84 views
高街食肆林立，但同時間餐廳易手亦都快😬。幸好其中一間我好鍾意嘅韓式食店「安客蔥雞Uncle Padak」，多年來仍然獲得街坊愛戴，屹立不倒。不過自從餐廳無同訂枱平台合作，冇咗折扣優惠之外，我就少咗幫襯🙈。原來呢度年頭重新裝修過，環境靚咗好多，有大大幅牆畫🎨，而且亦佈滿節日裝飾🎄，但空間依舊少迫。餐廳假日都有提供午市套餐，實在太好了👍，因為唔使嗌原份炸雞之餘(兩個人食唔晒)，仲可以食佢個Combo Set！佢定價都OK，午餐大約一百蚊左右有交易。Lunch Combo($108)，呢個午餐拼盤非常豐富，可以一次過食到多款滋味😋。內容包括無骨雞塊(甜辣醬)、醬油雞翼、飯團、沙律同蘿蔔等。🐔炸雞塊有好多件，無骨大大啖肉，而且外層炸得酥脆而唔油膩，吱上甜辣醬令佢無咁乾身。另外仲有四隻雞翼雞鎚🍗，肉質嫩滑多汁。齋係呢啲雞嘅份量我就覺得個餐物有所值。🍙 韓式飯團波波有四個，餡料只得蟹籽、芝麻同紫菜，但已經好好味，又飽肚。沙律同蘿蔔就正常，可清清味蕾。Beef Bimbimbap($108)，🍚牛肉拌飯好多地方都有得食，不過呢度嘅出品出色。飯份量超多，我諗四個人都夠食囉，所以定價稍高都合理。同時，
高街食肆林立，但同時間餐廳易手亦都快😬。幸好其中一間我好鍾意嘅韓式食店「安客蔥雞Uncle Padak」，多年來仍然獲得街坊愛戴，屹立不倒。
不過自從餐廳無同訂枱平台合作，冇咗折扣優惠之外，我就少咗幫襯🙈。原來呢度年頭重新裝修過，環境靚咗好多，有大大幅牆畫🎨，而且亦佈滿節日裝飾🎄，但空間依舊少迫。
餐廳假日都有提供午市套餐，實在太好了👍，因為唔使嗌原份炸雞之餘(兩個人食唔晒)，仲可以食佢個Combo Set！佢定價都OK，午餐大約一百蚊左右有交易。
Lunch Combo
$108
9 views
0 likes
0 comments
Beef Bimbimbap
$108
16 views
0 likes
0 comments
Beef Bimbimbap($108)，🍚牛肉拌飯好多地方都有得食，不過呢度嘅出品出色。飯份量超多，我諗四個人都夠食囉，所以定價稍高都合理。同時，拌飯餡料亦一樣震撼，有烤牛肉🥩、青瓜、紅蘿蔔、紫菜、芽菜、冬菇同煎蛋🍳等，再落埋少少辣醬撈，每一啖都好滿足。
蛋卷
$68
2 views
0 likes
0 comments
烤芝士玉米
$62
8 views
0 likes
0 comments
套餐奉送湯，可能唔係日本餐廳嘅關係，所以跟嘅並非麵豉湯，而係韓式魚糕湯🍢。我本身都想嗌，而家正中下懷，細細碗，濕下口都唔錯。
午餐唔包飲品，我要咗凍檸茶(+$20)，茶底唔澀，整體亦唔太甜🍋，但唔太抵飲。甜品反而比較吸引，只可惜售罄，無機會一嚐。
總括嚟講，Uncle Padak多年來保持高水準，佢嘅韓式食物好啱我口味🇰🇷，而且午餐絕對係性價比高之選。女店員們真係韓國人嚟㗎，要用英文溝通，但佢哋好有禮貌呢，抵讚。
Post
