MR. MAKI (保和大廈) (Closed)

之前食過一次尖沙咀分店今日經過灣仔附近諗起呢度都有，就想食了。之前喺尖沙咀食過拖羅卷覺得幾好食，今次當然要試吓其他口味由於而家冇堂食嘅關係，外賣滿$200就有折扣，心大心細嘅我今次揀咗知我咩料（炸飯薄餅），我揀咗吞拿魚，開頭都冇睇佢係炸飯，只係睇到佢個賣相幾靚就揀咗，食落去同平時卷物有啲唔同，佢比較香脆，食落去幾特別，唔講真係未必知道裏面係飯，做得幾出色，忍唔住食完一件又一件。今次嘅我都有加套餐，加咗$19要炸雞套餐，除咗炸雞之外仲包左沙律同埋嘢飲。炸雞上面仲配左蜜糖芥茉醬，件件都大大件嘅炸雞真係冇偷工減料。上次揀咗蜜瓜味嘅汽水，今次試吓波子汽水，佢同真正嘅波子汽水味都幾似，而且佢嘅汽水真係好夠氣。