臺北棧 (荷李活道) (Closed)

月底快閃台灣，睇開行程就更加掛住台灣菜。今日出開中環,就係open rice搵食,見到呢間check-in TAIPEI ，有好多好評咁，於是就wall in去試吓佢。未夠六點已經排晒隊，一夠鐘佢就開門俾人慢慢入去坐。去到台灣點可以唔食鹽酥雞，正如去到食台菜點可以唔叫佢呢。呢度嘅鹽酥雞炸得外脆內嫩，咬落去仲有少少肉汁添。再加上佢有兩個幾特別的醬汁，分別係黑松露芥末醬同柚子醬。黑松露芥末醬香濃得來又帶點芥末嘅辣味，配合得相當出色，食落嘅感覺亦都唔會漏。柚子醬少甜中帶微酸，配合炸嘢好能夠開胃令你想食多幾舊。不得不讚嘅係芭樂苦瓜汁，苦瓜味濃調配得十分之出色。甜品伯爵茶QQ芋圓亦有警喜，伯爵茶凍茶味幽香，一啲都唔會過甜，係整個甜品嘅精髓所在。食完見到出邊有好多人等緊位，都唔好意思坐得太耐，快快買單就出去行下。