8鍋臭臭鍋 (金巴利道) (Closed)

係我認知裡面，通常個名有「臭」字都係香的，臭草如是，臭豆腐更加係，我好鍾意食臭豆腐，特別係台式的，因為唔係用炸的方式，冇陣油益味，更加好食。8鍋係台灣過江龍，主打臭臭鍋等多款鍋物，唔理點邊款，都係劃一價$108，包一碗飯。黎得梗係點招牌臭臭鍋，唔好以為只得臭豆腐，其實仲有豬肉、貢丸、豬紅、大腸、鵪鶉蛋、榨菜、枝竹、粉絲、番茄、菜等等，臭豆腐只有四小件，略嫌有點喧賓奪主。臭豆腐嫩滑得來帶有發酵的香味，但又唔會太濃烈，相信第一次食的都接受到。飲左幾啖湯，覺得好似有少少沙茶香味，都唔錯。至於其他配料，唔太特別，而且我唔食豬紅，所以畀唔到comment，我只可以講，要一個人食晒成鍋嘢，真係有點難度，因為真係好多料，加埋碗飯，直頭飽到上心口。唔鍾意臭豆腐的話，仲有其他選擇，好似呢個芝士牛奶鍋都好受歡迎。材料大致同臭臭鍋差唔多，但多左麻吉燒、魚豆腐、蛋餃、烏冬，全部都好飽肚。牛奶湯加左芝士片睇落好膩，但味道冇臭臭鍋咁濃，啱女仔食。如果覺得唔夠味，枱上面有沙茶醬、豆瓣醬、豉油、蒜蓉畀你調味，店方有調味分量的黃金比例，可以照住落。不過有點隱憂，觀乎光顧當日係星期六，又係飯市時間，都坐唔滿人（已經係尖沙