九記海鮮小廚

Open Now

Now Closed

今晚同屋企人出街食，始終長輩都係喜受食中菜，所以又黎左我地既飯堂食飯。其實平時屋企唔煮飯就會黎依度食晚飯，主要叫小菜食飯，簡直係我地既飯堂 一般都要等一陣位, 因為實在太爆場, 老闆都好友善叫我地等等。終於等左5分鐘可以入座啦, 我地叫左四個小菜同四個白飯, 如果唔想食飯, 都可以叫白粥架!蒜蓉粉絲蒸扇貝: 扇貝大隻到同手掌有得揮, 超多蒜蓉同粉絲撈埋白飯食一流椒鹽鮮魷: 炸得岩岩好, 皮薄唔多粉, 鮮魷一咬就分開, 係依度既皇牌蒜蓉炒豆苖: 炒得好入味又多汁同份量好大碟豉汁蒸鱔: 豉汁多到可以撈飯食, 有少許陳皮碎, 鱔蒸得岩岩好, 肉質鮮嫩。依度除左哩幾款之外, 蒜蓉粉絲蒸開邊蝦同咸旦蒸肉餅都係我既至愛。 此外, 老闆都會依客人人數去預大中細既份量比客人自己選擇想要叫幾多份量。 所以想食多幾款餸, 可以叫細碟D, 因為細碟份量我都覺得已夠四個人食, 我叫左四個餸, 每人埋單都唔洗過百, 真係平靚正。