Video
Read full review
2017-06-17
9955 views
事情是這樣的，做咗酒店會員，於酒店享有餐飲優惠，咁米嚟試下BBQ任食囉。話明泳池邊BBQ，而且是5月下旬，夏日將近，咁我哋幾條腿就着晒短褲背心嚟，諗住開開心心食餐包，但世事總是事與願違，坐低冇耐，我哋已經比風吹到變蝦毛，即係自我卷成一團來保溫。有位服務員路過，凍到入心的我哋，忍不住問佢有冇毛氈，佢好好人咁去泳池隔離攞大浴巾俾我哋，當晚我哋個個都包住大浴巾用餐。隔離枱見到我哋重返溫暖，短衫長褲嘅佢哋都忍不住向服務員提出浴巾要求。幻想一下 ---> 多名客人披着浴巾用膳，其實都幾好笑。而我咁大個女，都係第一次在酒店用餐，要用埋浴巾。笑了！這裏座位不多，位置在酒店頂層泳池的一個角落，旁邊有燒烤爐，廚師會為食客烹調食物，只要你吩咐。食物選擇不多可看看枱面餐牌，食物少唔緊要正所謂"貴精不貴多"。烤爐另一方還有個超小的自助沙律餐枱，自取沙律、甜品及雪糕。這兒沒有熱鬧氣氛，每位食客包飲品兩杯，可以選紅白酒。食物水準堅讓人失望，咬不開的牛、無味的羊架、鹹到嘔的豬，燒焦粟米。好彩都有部份食得下肚，有汁蕃茄，爽口急凍大蝦，燒三文魚及好難煮得差的雞翼。呢度嘅管理層究竟有冇用心經營間餐廳，看過其他食
事情是這樣的，做咗酒店會員，於酒店享有餐飲優惠，咁米嚟試下BBQ任食囉。話明泳池邊BBQ，而且是5月下旬，夏日將近，咁我哋幾條腿就着晒短褲背心嚟，諗住開開心心食餐包，但世事總是事與願違，坐低冇耐，我哋已經比風吹到變蝦毛，即係自我卷成一團來保溫。
有位服務員路過，凍到入心的我哋，忍不住問佢有冇毛氈，佢好好人咁去泳池隔離攞大浴巾俾我哋，當晚我哋個個都包住大浴巾用餐。隔離枱見到我哋重返溫暖，短衫長褲嘅佢哋都忍不住向服務員提出浴巾要求。
幻想一下 ---> 多名客人披着浴巾用膳，其實都幾好笑。而我咁大個女，都係第一次在酒店用餐，要用埋浴巾。
笑了！
這裏座位不多，位置在酒店頂層泳池的一個角落，旁邊有燒烤爐，廚師會為食客烹調食物，只要你吩咐。食物選擇不多可看看枱面餐牌，食物少唔緊要正所謂"貴精不貴多"。烤爐另一方還有個超小的自助沙律餐枱，自取沙律、甜品及雪糕。這兒沒有熱鬧氣氛，每位食客包飲品兩杯，可以選紅白酒。
食物水準堅讓人失望，咬不開的牛、無味的羊架、鹹到嘔的豬，燒焦粟米。好彩都有部份食得下肚，有汁蕃茄，爽口急凍大蝦，燒三文魚及好難煮得差的雞翼。
呢度嘅管理層究竟有冇用心經營間餐廳，看過其他食客留下食評，不見得好，再這樣下去，只會把酒店的名聲拖垮。既然存在問題就解決啦，難得有好嘅服務員，而我作為一名小顧客，是不會再來惠顧，除非餐廳作出改善！
徐小鳳-風的季節 "吹啊吹 讓這風吹"
張國榮-風繼續吹 "我勸你早點歸去"
許志安-大風吹 "繼續大風吹 訊號失去"
整個晚飯我們會哼的歌！
Post
