劉萬利美食

Open Now

Now Closed

今朝又喺我經常去食早餐嘅博康邨冬菇亭大牌檔「劉萬刮」食早餐，一向叫開嘅火腿仿鮑絲通粉（單出，即是唔要成個套餐包括多士及煎蛋或者加埋火腿/午餐肉/腸仔），一杯凍檸茶少少甜，平時收開港幣$30，今日要$34，來解釋的侍應表示兩餸的湯粉要收$34，我叫咗要「多粉」，點不知通粉的份量跟平時叫套餐的一樣少，之前我問過佢哋點解唔買大啲隻碗，客人order「單出」的時候啲粉可以多啲。其實我唔係因為慳錢而咁樣叫，因為農曆新年那段時間每天食一個套餐有埋已經沒有搽牛油的多士和兩隻煎蛋，一個月之後肥咗四磅，因為煎蛋可以用很多油煎都看不到的，通粉的卡路里如果沒有加了很肥膩的湯是很低的。看來老闆想做高每人最低消費吧！其實想收$34，啲火腿通粉要加多¼至五份之一才值得這個價錢，幸好我今日要食一個早的午餐，應該可以捱到中午12:30才吃午餐吧！