營豐海南雞專門店 (麼地道)

Open Now

Now Closed

成日經過K11對面既營豐海南雞都想試下，今日星期六返office做嘢，順便就買個外賣試下。我叫咗兩樣野食，「海南雞飯配油飯」一定會叫啦，話曬都以海南雞命名，另外佢其實都仲有好多小食可以獨立叫，有雞翼、泰式鳳爪、豬頸肉、香矛豬扒等等...本身我個人就好鍾意食雞，就加多一個黑椒雞扒試下。海南雞飯配油飯會送多個冬瓜湯，個湯正正常常無咩特別，油飯就都幾好食，泰式油飯既味道，唔算好油同唔算重口味，我覺得ok！醬汁就得一個酸汁，個汁又唔係泰式又唔係越式。如果鍾意點醬都可以試既，但就唔獨岩我口味，終於講到個雞喇，我覺得味道可以，不過肉質我覺得唔夠嫩，但又唔算老。都合格既（因為我太愛食海南雞，比起其他真係好嫩滑既海南雞，確實差一班。不過有時驚喜在後頭，我加既小食黑椒雞扒反而味道唔錯，惹味燒汁帶黑椒既香，但無黑椒既辣。最神奇既係佢既肉質係嫩滑過個海南雞，呢個我自己就唔明既，但無所謂啦好食就ok。因為我發現佢都有黑椒雞扒飯配油飯既，我下次識嗌喇，另外購買任何飯+$8有油菜。一定唔好錯過，因為食飯一定要食菜，咁樣先夠均衡飲食！