粉色記憶 (Closed)

味道Ok, 價錢都合理嘅，不過唔知係我太好彩定點，每次買外賣總係有嘢漏咗。今次我叫咗個雙龍滙，滷蛋+餃子+鴨血，加熱玫瑰花蜜，外賣。我記得Order 紙上面明明寫三隻手工餃子，點知返到office 食食下先發覺得一隻餃子...諗返上次食乜，其實上次食都漏咗隻蛋...佢哋啲鴨血其實好好食。或者我下次會要求佢哋俾我check 過冇漏先拎走啦⋯⋯或者堂食啦，可以即時反映。畢竟呢度係每樣餸計，作為消費者真係會覺得好唔抵，希望我嘅情況只係個別事件啦。