來多碗車仔麵 (民裕街)

Open Now

Now Closed

放假，當然唔會咁早起身啦！我同老公瞓到中午先起身，出得門口都成點幾兩點，呢個時間又好尷尬，下午茶又食唔到，咁既然係咁，我地就決定食車仔麵。因為呢間幾點食都好，個價錢都一樣，唔會有分時段。講真，呢間車仔麵係工廠區黎講都唔平，偏貴，分量少，餸就唔洗講啦！阿姐會數住數住，每份得二、三舊，怕比多你咁，當然有D食物係細細粒既，會多幾粒咁啦！可能大家都諗，點解我仲會去食，原因好簡單，鬼叫佢好食同埋同附近黎講，佢叫乾淨企理咩。餐廳：來多碗車仔麵我地食叫左乜我就唔講，大家睇相就知道。講下佢有乜好食啦！尤魚、牛肚、豬紅、豬腸同蘿蔔都要試下，鐘意食辣既朋友，佢係秘製辣醬，係甜辣醬，你可以就自己既辣度自己加，仲有另一個叫魔鬼辣，講真，對我黎講就真係一D都唔魔鬼，只係BB辣，之後我再去加，阿姐就話其實係枱面既辣椒油，唔洗專登出去加。