Video
Read full review
2008-06-07
2 views
哩次食飯味道 ﹣﹣ 俾超濃（生）化學調味料遮蓋哂食物可能仲有既原味服務 ﹣﹣ 好似屋企細佬咁既待應，落緊單聽自己電話，仲叫客等等返轉頭再落認真賓至如歸衛生 ﹣﹣ 唔知係咪落雨天，餐廳「泣」「次」「次」，食到尾先發現筷子尾有不明「次」手污穢，唔關落雨事喇呱抵食 ﹣﹣ 睇仔咪睇啦不過，向好既諗哩間餐廳睇黎啱相約新相識情人去試下原因...餐廳有多個半開放卡位間格，有一定私隱度；又半開咁位處商場角位。傾密計又得，無話題時偷窺下商場發生既事，絕對係有利位置。無尷尬。菜牌全彩圖，菜名爛GaD。有得睇很得笑餸菜疑是由種菜、養牛、雕埋花先上枱...我去果晚，等咗半個鐘，同情人咪可以慢慢傾囉鐘意玩多過食既你仲啱，某Ｄ菜玩多過食，gimmick有餘，味道味味一樣。睇完、玩完、食完仲有得鬧，一次過滿足四種慾望。兩口子有共同話題（一齊鬧），增進感情cool要注意既地方係，人少既時候，待應會搭嗲，煞風景呢祝你好運
味道 ﹣﹣ 俾超濃（生）化學調味料遮蓋哂食物可能仲有既原味
服務 ﹣﹣ 好似屋企細佬咁既待應，落緊單聽自己電話，仲叫客等等返轉頭再落認真賓至如歸
衛生 ﹣﹣ 唔知係咪落雨天，餐廳「泣」「次」「次」，食到尾先發現筷子尾有不明「次」手污穢，唔關落雨事喇呱
抵食 ﹣﹣ 睇仔咪睇啦
不過，向好既諗
哩間餐廳睇黎啱相約新相識情人去試下
原因...
餐廳有多個半開放卡位間格，有一定私隱度；又半開咁位處商場角位。傾密計又得，無話題時偷窺下商場發生既事，絕對係有利位置。無尷尬。
菜牌全彩圖，菜名爛GaD。有得睇很得笑
餸菜疑是由種菜、養牛、雕埋花先上枱...我去果晚，等咗半個鐘，同情人咪可以慢慢傾囉
鐘意玩多過食既你仲啱，某Ｄ菜玩多過食，gimmick有餘，味道味味一樣。睇完、玩完、食完仲有得鬧，一次過滿足四種慾望。兩口子有共同話題（一齊鬧），增進感情cool
要注意既地方係，人少既時候，待應會搭嗲，煞風景呢
祝你好運
Post