泰聚 (Closed)

呢間餐廳位於天水圍西鐵站附近，環境佈置靚，設有室內及戶外座位，戶外座位燈光柔和氣氛一流。金柚大蝦沙律($88)份量幾多，酸酸甜甜帶點辣，非常開胃。酸辣泰式鳯爪($68)最辣既一道菜，爽脆既鳳爪配上酸辣醬汁，愈食愈過癮，可以食小蕃茄解解辣。沙爹串燒半打($88)雞、牛、豬各兩串，配上惹味沙爹醬，當中以雞肉串味道最佳，肉質鮮嫩。菠蘿炒飯($98)份量多，炒飯乾身吾油膩，材料豐富。炭燒豬頸肉($88)有炭香味，肉質juicy吾乾身。泰式雞翼($58/5隻)雞翼烤得皮脆肉嫩，十分惹味。泰式蒜蓉炒椰菜苗($68)椰菜苗新鮮爽甜，帶點微辣。椰汁西米糕($38)西米加粟米粒，上面鋪上椰汁糕，椰汁味香濃。椰汁千層糕($38)上枱時微暖，口感煙un帶點椰汁味，甜度適中。龍眼冰($38)味道清甜，解渴解辣，底部有龍眼肉。是次消費 $9xx，每款價錢都吾太貴，加上環境一流，值得再泥。另外，值得一讚上菜速度快速，餐廳經理禮貌周到，服務態度良好。